当前位置：首页 → 问答吧 → 今日有个NOW sales 上门推销世界杯，比我串到佢一面屁！

今日有个NOW sales 上门推销世界杯，比我串到佢一面屁！

时间：2014-06-11

来源：互联网

星期六一个人系屋企睇系大陆买嘅机顶盒睇紧广东体育，突然有人敲门，我开门见到有条友show个证出来话佢系NOW 嘅 sales，佢问我有无兴趣装NOW睇世界杯，内容如下：

我：无綫免费有得睇唔驶装啦！

sales：无綫播唔足６４场喎，要俾钱装NOW先可以睇足！

我：无綫唔播个啲咪睇广东体育或者CCTV５囉，然后我仲特登开大啲道门比佢睇下，话拿，而家我都睇紧广东体育啦，几清！

sales：佢一见到即刻话，拿先生，我会报比公司听你非法睇世界杯，我公司会出律师信告你，可能要坐监架，除非你而家登记啦，比个特价你，３４９一个月，两年约．．．．！

我：登你老母，第一香港边条法例写睇外地电视犯法？我净系知我放出去就犯法！第二，就算我系犯法，今年有世界杯香港转播权嘅系TVB唔系NOW，你凭乜捻嘢告呀？

sales：你唔信就算，等收律师信啦！

我：好，你见捻倒我门牌，记捻得mark低佢，等你封律师信呀！仲有，我话９你知，我虽然唔系律师，但系我日日返工嘅工作就系打律师信，然后比律师签名．如果你真系出到比我，我帮你签够四年又点话！要昆人过主啦！不过你走快啲喎，我而家就打电话俾管理处．话你洗楼！

然后个sales就好似死狗咁走咗！记住如果近来大家遇到呢啲 sales，千祈唔好俾佢哋大到呀！

作者: chifaip 发布时间: 2014-06-11

呢个年代仲有Ｄ甘既sales,影衰同行

作者: imposiblerpg 发布时间: 2014-06-11

师兄做得好!
最憎呢啲人,为张单恐吓勒索乜都做.好彩遇着嗰个系你,如果系啲公公婆婆分分钟又一单骗案.

作者: kenleung148 发布时间: 2014-06-11

你住公屋？

作者: 金股至尊发布时间: 2014-06-11

多谢师兄包胶

大家如果遇到同类事情,最好记底sales叫咩名!必要时开定手机录音!再报警!

我在此声明!
你呢班仆街sales!小心做人!
否则后果自负!

作者: sasini1 发布时间: 2014-06-11

师兄做得好!

作者: wongsuiyuk 发布时间: 2014-06-11

上门sell 客，报警拉佢LOL

作者: samluk2891 发布时间: 2014-06-11

哈哈劲俾个赞ching

作者: wunchau 发布时间: 2014-06-11

请问你用乜野睇CCTV5同广东体育

作者: lockfree 发布时间: 2014-06-11

师兄做得好,劲

作者: johnly479 发布时间: 2014-06-11

屌唔好影衰同行啦依d跑唔到数系度乞饭食

作者: Cannavaro5 发布时间: 2014-06-11

各位！其实人哋都系搵食，我本身都无谂住同佢嘈，你sale我的话只要讲事实俾我听，我听完之后会自己决定。但系佢最错系用法律大我，仲要话坐监我先火起，我虽然唔系律师，但系我读咗咁多年法律就知呢啲点都系民事，何来坐监？如果真系唔知法律啲公公婆婆咪又比你屈到？最重要就系其实我只系睇世界杯一个月，点解要签两年约？合约系双方自愿订立而唔系你set咗条件迫我签，呢啲叫不公平条约！如果我做法律都唔维护法律尊严，净系自己顾自己，我不如唔好做法律！
我知道呢个post会令到好多sales讨厌我（包括其他如地产、保险 sales），笃爆晒你哋啲呃人技俩，但系搵食可唔可以正路啲呢？唔好成日呃呃氹氹，靠呃人搵到啲钱你哋洗德开心吗？

作者: chifaip 发布时间: 2014-06-11

引用:原帖由 chifaip 於 2014-6-8 03:33 AM 发表
星期六一个人系屋企睇系大陆买嘅机顶盒睇紧广东体育，突然有人敲门，我开门见到有条友show个证出来话佢系NOW 嘅 sales，佢问我有无兴趣装NOW睇世界杯，内容如下：

我：无綫免费有得睇唔驶装啦！ ...

睇到个标题，原来想留言吊高你的，但仔细睇完个内容后，就要吊高个sales...用d咁样的方法开单，不如去做贼搵得仲多！

作者: philipyip0421 发布时间: 2014-06-11

个 sale屎跟住会班马来霖你红油，
到时你可以一齐发律师信告佢恐吓(你会坐监，除非你登记啦.....）
＋刑事毁坏..............

作者: red.devil 发布时间: 2014-06-11