网上行取消增值服务真系要小心

手提收到网上行一个讯息，话有个增值服务ｍｏｏｖ试用期到期，下期会开始收费！

我根本没用过，不过印象中个ｓａｌｅ好似有讲过系强迫试用的，所以只好上网取消，但登入唔到ａｃｃ，唯有打１０００去取消，打左上去客服话要取消，佢话要等等，咁我等左成两分钟佢至话帮我取消左，突然灵光一闪，跟手问埋仲有无其他增值服务又系试用期到将会收钱，个客服同我讲话仲有个media服务，呢个我又系无用过的，咁就叫佢帮我取消埋佢啦，点知今次只系要我等十秒就话帮我取消左，我就觉得奇怪，乜取消的时间差咁远？咁好啦，佢话取消左，唔通我话无咩？咁好啦，顺便ｒｅｓｅｔ下个ａｃｃ登入密码，然后就收线！

收左线后，硬系觉得唔对路，咁就上网修改密码之余，都走去终止服务嗰页睇下啦，真系好彩有睇！

原来ｍｏｏｖ佢真系有帮我取消，因为我直头入唔到去，但media就完全无理会，我睇到之后拿拿声手动取消埋呢个增值服务，点解呢？
因为原来呢Ｄ增值服务的条款好贱，假设你试用到今个月１０号，佢１０号至会ＳＥＮＤ讯息话你知试用期到，下一期开始收费，而所谓的下一期，就系到１１号００：０１分钟已经会收你一个月的费用，若你收到讯息后不即日跟进处理，那你明天就要支付你根本不会用的服务之费用，摆明系一个陷阱！所以大家以后若要取消呢一类增值服务，真系早好过迟！同埋唔好偏信客服，有怀疑就要上网ＣＨＥＣＫ清楚至好！

呢个问题我都试过, 上次佢打黎话唔驶$就使用唔知乜鬼服务...系咁要求你报番 姓名 同 id number俾佢, 我死都唔唔讲, 即系代表唔确认, 佢地就唔可以逼你要....
真系要小心d, 佢地都几贱下...好多问题唔讲清楚要你就要你讲出姓名 id number当confirm

[ 本帖最后由 leoz2012 於 2014-4-7 03:08 PM 编辑 ]

我记得我几年前用佢地宽频，签约时写到明，乜x 都唔要，全部打晒交叉，
果d 野根本我用唔着。我净系上网。
唔知衣家仲可唔可以咁？

想问 边到可以睇到中止服务既plan?