5s 食电问题..待机都食..

近排开始唔知做咩部5s劲食电...训前7X% 训左9个钟..2X%..
之前都无事..点算..?
部机系SMARTONE买..

Push

有冇出现讯号终断？

试下熄左背景APP 重新整理

过夜待机最多扣2%,如果系净返2x%就好夸张喎，你系IOS7.1.2?

没有。。。

有关晒。。。。无用。。。

系 7.1.2

有冇関唒所有背景apps, FIFA wc app好食电吓～

有阿。。都唔得。。。但以前就算开住都无野

其实点关背景apps?点知关左未?

我都系7.1.2，不过无事。
试吓熄咗佢。

平时做开 CD-ROM, 今次特登开个 Account 黎分享下我个 case, 因为实在太过份, 希望大家可以借鉴.

我部 iPhone 5s 只系买左三个月, 就有同楼主类似的问题. 六月中我亲身拎左去 Apple Store, 职员捡测完, 话无问题, 但估计系 Background Process 食电, 所以佢就问准我同意, 帮我升级到最新系统 (我唔记得 version, 总之就六月中的最新 version), 洗哂啲 Data, 熄左 Background Process, 定位系统等等. 我返到屋企, 再试试佢, 叉满电到 12AM, 开飞行模式, 待机, 无 Background Process, 无 Multiple Process, 到第二朝 8AM, 啲电得返 10%. 反覆试左几次都系咁. 所以就拎左去银城维修中心整, 咁就出事!

拎左去银城, 摆抵部机俾佢地做检测, 果时开住机, 对左 D IMEI 之类的野. 同日维修中心打电话黎, 但我 miss 左, 个职员留言, 话部机既机面有损毁, 要报价维修, 盛惠 HK$2720. 我系咁打番佢留俾我的联络电话, 个音频电话打极都无人听, 好在第二日有另一个职员打过来, 重覆讲番话要报价维修, 咁我就问佢做左检测未, 佢话未, 我就小爆佢, 检测都未做, 到底电池有无问题, 系咪可以更换灵件解决食电的情况都未知, 就因为一个无关连的外观损毁, 要我俾 $2720, 系咪傻架, 小完佢一阵, 佢终於应承会先做检测. 隔左几日, 又打电话黎, 话检测无问题, 又再问我要唔要俾 $2720 换过部机, 我心谂, 傻的吗? 而家二手市场 iPhone 5s 收紧四千几, 我走去放左佢, 就算外观有损毁而打个折, 都唔洗补二千几换部 [翻新机] 嘛? 我就话唔整啦, 要拎番部机走.

咁我第二日上去银城攞机啦, 我见张维修单写住 "Physical damage: $2720", 咁就问下前台负责的女职员, Physical damage 所指的地方系边度, 个女职员拎住部电话反转再反转, 居然同我讲话唔知, 要入去问下, 佢问完之后, 指出系电话左边一个直径 1mm 都无的缺口, 我就话, 呢个丁点的位要收我二千七, 无野呀嘛, 我拎去先达放, 而家都收紧四千头啦, 补多千五蚊买过部全新的, 有全新保养添, 洗乜硬食二千七, 换部翻新机, 仲要得番九个月保养呀, 个女职员居然附和我, 仲话琴日经过先达, 果边仲收紧四千三. 咁同佢 9 up 完一轮, 谂住开机试下 D function, 点知开唔到, 谂住无电啦, 个女职员就话帮我叉十五分钟, 咁我半个钟返去问佢, 都系开唔到, 再试多十五分钟, 都系唔得. 呢个时候, 个女职员问我要唔要俾 $2720 换过部机, 我心谂点解咁在意果二千七蚊呢, 就同佢讲, 梗系唔俾啦, 而家仲要追究责任谁属添呀, 部机攞黎的时候仲开到机, 你地检测又话无问题, 想拎机走果时, 居然开唔机, 而家部机就唔攞走架拉, 费时我攞走左, 到时你地唔认数呀. (不过而家谂番, 呢个可能系个错误的决定) 咁佢就俾左 AppleCare 的电话过我, 叫我打过去. 呢个时候有人提我, 叫我直接去 Apple Store 投诉, 会容易好多架, 但由於唔顺路, 所以我返到屋企就打过去 AppleCare.

AppleCare 话外观有超过 4mm 的损毁就需要报价维修, 我同佢讲, 个损毁连直径 1mm 都无喎, 个职员话维修中心已收左工, 会第二日帮我联络维修部影几张相俾佢过目. 第二日佢打番俾我, 话已经同维修中心果边倾掂左, 会好皇恩浩荡咁豁免个外观损毁, 但由於开唔到机, 要送返去厂做升级检测, 需时七日. 我心谂, 豁咩免姐, 都唔 Fulfill 个 4mm 的 Policy, 不过算鬼数, 一星期后, 俾过部用得的机我就算啦, 翻新机都算数了.

一星期后 (即系今日), 维修中心打电话黎, 话升级检测结果出左了, 由於有 [非授权改装], 所以要俾 HK$780 至可以拎部机走, 我就问佢, 非授权改装所指系咩地方, 佢话唔知, 要问 AppleCare. 我打去 AppleCare, AppleCare 都话唔知, 要同维修中心了解, 我同佢讲, 系维修中心话唔知, 叫我打黎问架喎, 呢个时候, 我顺便问左个职员, 之前所讲的 $2720, 或者而家的 $780, 系苹果收取, 定系外判果间维修中心收取架呢, 佢话系维修中心, 咁呢个时候, 我总於明白左好多野, 一路都系维修中心局我俾钱. 最后个职员搵左个再高级 D 的职员帮我跟进, 最快要下星期一至覆到我.


呢度我至少犯左两个错误:
1. 事前无帮部 iPhone 前前后后影相. 对於果个 1mm 既缺口, 我无印象, 到底会唔会系维修中心加落去, 我唔知, 但事前影左相点都好 D.
2. 部机开唔到果时无拎走部机. 咁当然, 可能我话要拎反部机果时, 维修中心已经做左非授权改装, 令佢开唔到, 等我想拎走都唔得, 然后再局我俾钱.


原本想上黎睇下有无人同我一样有类似的经验, 或者有无水鱼早早就俾左钱了事而上来呻, 见到楼主咁既情况, 我谂我都应该分享下个 case, 叫大家小心好.