windows phone新手上路

7月11日买了930。第一次用wp。之前正式用过4部android（sony zperia s、p、c、z）。非正式用过好几部samsung、lg与htc（非正式即是例如朋友买了而唔识用或唔识set交俾我研究下之类）。此文会不断更新。因为实在千言万语。一次过应该写唔完。每日写少少。

首先第一件事，介面风格，或者叫做设计哲学，我认为系wp胜过android。呢个要从十八年前讲起。199x年代，电脑未普及。当年的屏幕主要系单色（常见系白、橙、绿）。图形界面作业系统亦未流行。后来有了四色屏幕（好似叫cga）。再后来有了256色的所谓vga。呢个亦系windows 3.1时期。如无记错当年win 3.1的图示（icon）仲系十分之简陋的。只能用16色去显示。后来随著科技进步，屏幕越来越多颜色，图形界面里面的icon亦愈来愈精致，有立体感，有阴影。最后终於去到用true color显示icon了。然而，世事好多时都系返朴归真。当大家已经对五颜六色既icon由惊艳变成习惯再变成开始睇到厌阶段，microsoft就将icon设计成平面与单色。

android既介面，去到呢一刻，仍然停留系「立体、阴影渐层、五彩缤纷」阶段。而wp已经将的icon、button、各种控制项物件整到好似剪纸一样。从设计哲学（配合一些简单的电脑发展史）去判断，我觉得wp既介面系胜一筹。

（待续）

界面呢的表面野讲完，讲下使用体验。今次先讲下浏览器。预设浏览器系ie。用落，同以前android+chrome比，ie既 context menu相当单薄。睇网页，一段文字，你想select某一个词去做web search，ie系可以，做法系点一下，见到佢select左个词，然后按机身右下角搜寻掣，佢就会系bing度搜寻你select左既词。so far so good。同样既动作，如果android+chrome，点一下变成长按，顶部有web search可选择。两者相比，chrome有个好处，就系，如果你想search既字，正正处於一条连结之内，你「点一下」就会变成click入连结，去左第二个网页，而唔系select你点中果个词。chrome既操作方式可以避开呢个问题。当然ie要select连结里面既词，要做系做到的，不过转折少少，你首先点一下其它字，然后将个选取范围移返去你目标便可。

另一个问题，至今未谂到点解决。图片，如果chrome，你可以长按，会有menu弹出，除左例牌菜可以俾你下载或分享之外，仲可以「open image in new tab」，系一个新分页开启果幅图片。呢个功能对於我黎讲系好有用的。尤其用来在讨论区贴图时。如果我有幅图想贴上讨论区而又唔想用附件（有的区唔准上传附件），我会将幅图用chrome掟去google+（留意系用chrome，唔系用google+个app），之后用新分页睇返幅图，咁个chrome既网址列自然就系幅图既网址，通常系http://乜乜googleuser物物.jpg之类。我copy呢个网址，就可以系讨论区里面用IMG tag头尾包抄咁样显示幅图出来。而家换成wp+ie，我无办法做到呢个动作。各位资深用家有何良策？

都系睇唔到。但用电脑／chrome可以搵到幅图既网址，可以用IMG tag贴出来：



今日讲下系统里面一的统计数据。首先电量，wp系唔会好似android咁show个history出来。为免有的人未用过android我贴一个android既电量history sample出来。大约是咁的：



wp似乎系唔兴呢味野的。除非自行另外装app。否则系睇唔到电量使用记录。佢原装内置果个，叫做「最近电池使用量」，只会统计每个app用左几大比例既电。而我其实唔系好清楚佢个统计范围。到底佢系计几耐？系咪30日？

电量history我觉得睇唔睇都唔构成咩大问题。冇亦无所谓。但系另一个系统数字：流动数据使用量，我就觉得android做得好好多了。我地又睇睇sample：



android可以设定观察日期范围，咁（例如，假设）你明知自己个plan系每月8号与9号之间果个凌晨12点截数，你系可以set显示每月自从8号与9号之间果个凌晨12点打后开始计起总共用左几多数据。而家已经冇无限4G plan了。睇住的数据来用系有必要的。但wp内置果个「数据用量感知器」，系计最近30日，冇得拣日期范围的。

有得set架, 系下面粒星星里面可以设定.

找到了，不过唔系星星，而系「检视原始的版本」。现在终於可以用手机在讨论区贴图了。顺带一提，之前我话数据用量感知器拣唔到日期既问题，原来系我唔识set ，佢系拣到的。

弊，有问题，check出来个数据用量唔岩的。我个plan系每月15号与16号之间果个凌晨12点截数，咁日期我拣16应该冇错丫，佢计到我用左1点几gb，但我去返自己个台度check，用左7百几mb咋喎…



咁我试下日期唔拣16，拣17，结果系5百几mb，又系唔岩。

今日讲下耗电问题。之前用 Sony xperia z，一部出名耗电如倒水既电话，换了930又如何？由於930并冇详细耗电 history可跟，佢的统计系计一个月的，我唔太清楚耗电元凶是谁。

昨晚插住叉机叉过夜，今早7点拔走叉机，由得部电话摆系度闲置，6.5小时后睇睇，电量剩97%，效果 ok。

之后玩左约两至三小时讨论区，电量剩53%…==

倒水，同 Sony z不相伯仲。

之后，我去左训晏觉，约三至四小时。其间部电话摆系度闲置，临训前我记得我系 kill 晒所有 app。训醒起身一睇，28%…

之后出街食饭，玩讨论区，即是现在，我写呢段留言，部电话既电量，系16%。

930的电…实际使用体验来计，约等同z。