湾仔诚信电讯换人电话 毫无诚信

约一个月前，母亲的黑色IPHONE 4S突然不能开机，插住电既时候有苹果画面，入唔到主画面，而且一唔叉住电就熄，於是到湾仔庄士敦道183号之诚信电讯检查。店中只有两名职员，分别为一名鸡冠头戴眼镜中年男人及一名中年妇人。


男人检查电话后话要再运去厂检查方可确定，会再报价俾我先决定整唔整。


数日后收到男人电话，话发现系底板坏，需要$800 换，而且会失去所有资料，需时两三日。是次修理足足花左超过一星期，由於我阿妈只可以用旧款电话顶住，冇WHATSAPP功能之下非常困扰，我惟有不断打去，次次都系女人听，每一次都系话「尽快，有就即刻打俾我」。


终於有一日收到话整好，取回时其实仲系开唔到机，男人解释系因为冇晒电，返去叉返就会著，仲用部「测电机」令到部机著到个苹果画面。我其实都觉得好奇怪，卖电话既铺头竟然叉电器都冇个? 但我都接受佢解释，俾左$800收货。返到屋企叉电先发现根本就同未整既时候一样!

再返去又系话放低俾佢地送厂CHECK。今次由於我俾左钱啦，女人语气再多几分不耐烦。跟住又系无止境既「我追问，个女人敷衍」，女人从来冇俾过确实日子我。两星期又过，终於个女人打黎话OK。今次，个电话系著住俾我既，但由本来既IOS 6升左做IOS 7。佢语焉不详咁解释话由於我冇俾过ITUNES 既密码佢，佢地根本入唔到去IOS，而呢个系「自动升级」。而男人话，我返去插返落电脑连接ITUNES就会用得。


返到去插电脑，研究一轮后先发觉，呢部根本唔系我既IPHONE!!佢要我入一个([email protected])既ITUNES去启用，而我根本从来冇拥有S字头既EMAIL!
我即时去返诚信电讯叫佢地跟进。个男人不停重覆话个ITUNES ACCOUNT系我地既，佢冇我密码入唔到去。问佢冇入去点解IOS 会UPDATE左，佢就叫我地去问APPLE。嘈左好耐，个男人一路讲野一路低头整其他手机，完全冇尊重。我最后OFFER话一人让一步，佢拆返走佢换落去既野，扣返手工费$1-200，退返$600俾我。自问我都想息事宁人，无啦啦手机整唔返都蚀$200俾佢，佢竟然话拆返都最多只可以俾返$1-200蚊我!!仲叫我有咩唔满意去消委会投诉。


更甚者，由於本来只关注开唔开到机冇发现，一日后我阿妈发觉佢本来系贴「玻璃MON贴」的，而家竟然变左「普通胶MON贴」!!!即系，部机根本唔系本来个部!! 诚信电讯私自换左我部机!!


间野开既单据连铺头名都冇，攞电话既时候仲收埋张单。讲真呢$800我预左攞唔返，但消委会一定会照报，再放上所有FORUM希望大家唔好中招，小心呢间野!!

[ 本帖最后由 泽南 於 2014-5-17 09:30 PM 编辑 ]

未知成件事系点，但如果单凭楼主所讲:
应该系见你部机 iOS 6，可以洗机，换部老鼠货比你都唔奇
建议报埋警处理，以免自己有机会遇到嘅问题

唉⋯点解唔去apple整呢！我自从人生第一部电话3310去先达买，佢换左旧假电俾我之后，我就唔再信任何非官方购买维修。同埋咁多年楼主点都应该听唔小呢D电话铺会欺骗人架啦！下次去apple俾多两三百换部番新iphone咪好囉！

楼主,你首先应该核对返现在手上的iPhone是否之前给他维修的原先个部,例如model no., IMEI, ICCID等(Packaging Box上已有相关资料). 如果以上资料经核对后是不正确的. 咁他已经犯了刑事的盗窃罪,所以你唔系投诉消委会而系报警.之於他/他司因维修不当而引致你手机的损失,你可以去小额钱债审裁处票控他/他司以要求索偿损失.

最后温馨提示, 楼主以后有关Apple 产品维修最好去Apple Shop或Apple 指定认可的维修中心. 街外好多话可以帮你维修的店铺存在不诚实及不当的行为. 无谓因小失大.

[ 本帖最后由 FreeFreeDate 於 2014-5-18 02:14 AM 编辑 ]

楼主可能平时少出中环、铜锣湾同九龙塘。下次有机会去依几区，不妨去参观下一间铺头仔叫：Apple Store.

我3出机既，去过apple store都系要我去返3搞，觉得要排好耐队。我都系心急整机先中招，而家谂返都觉蠢。

楼上师兄唔该晒，我试下搵返个盒先，搵到就报佢警

最紧要搵到个盒，唔岩机号即去铺头门口报警

以后机坏唔好衰心急，就算过保想去行整都上网查下边间信用好

Sorry...昨日讲笑!!~被版主屏蔽了
认真讲~楼主系十分支持你报警!!钱数目事少!!!唔好再俾受害者人数增加事大!!!

报警啦，唔好怕事，恰到你上心口仲忍

各位都要等楼主睇下搵唔搵到机盒对证先得嫁，无盒得部来真系死无对证随时仲比狗店告返转头话你诽谤

如果有单都应该可以

楼主不妨尝试再同对方对话或讯息沟通，试下搵方法纪录而且能够证明到系对方。