当前位置：首页 → 问答吧 → 原创，教你自己做一只可换线UM1

原创，教你自己做一只可换线UM1

时间：2014-07-19

来源：互联网

前排个UM1坏线,唔想再整,之前焊一焊都收左我HKD 120

今次第一次DIY,希望同大家分享下

首先讲明,我唔系发烧友,只系学下玩...自己试下DIY咁,做几单元我完全唔晓

知道好多人想将个UM1改换线,我建议系,如果无坏,唔好搞咁多野....坏左就可以试下自己整

另外DIY唔系好平,不过就会知道成个构造,他日可以自己学会维修,呢个系我今次DIY的原因,因为拿出去整都贵

工具方面: 拿鸡一个,最好系可以恒温,平咀镊子一个(好紧要),松香(好紧要),锡线
好了,所有野可以淘到....不过电器最好系香港买,安全起见

个壳用,535,因为535基本上所有野都可以买得到....

买完壳就要买个母头,买2个
然后买动铁单元,自己淘下,尽量买带标示的,因为怕假...买的时候记得叫送翻几条铜线,铜线系连接母头同个单元

新手建议买2个2手单元自己试下焊接先,因为呢部分系最难,都系最危险,危险在於焊死个单元....

首先焊接方法
将个拿鸡插落D松香度,唔系难上锡,热到咁上下将条锡线点下个拿鸡
跟住用个镊子夹住条铜线
记得买多个座,OR你自己想办法固定个母头/单元,唔系会好难焊接

跟住固定好个母头,将条铜线同个母头焊接,1正1负,中间支针系正(应该无错),两边脚系负,负你是但焊一边就OK
记得唔好用手拿条铜线,因为会超高温

焊接好母头果面,就焊接个单元
焊单元要有好小心,因为超高温好容意整死个单元
同样地,固定好个单元,跟住同样方法焊条铜线落去,记住记住,每一下只可以一店落去就缩开支拿鸡
因为真系好高温...而且要好准,唔好手震....

好了,你可以用条线试下,如果有声咁接下来就简单了
个单元装落去个壳里面,首先你淘个套,个套系535专用,可以塞2个单元,咁UM1得一个单元,咁唔紧要,一定要买呢个胶套
跟住再买个隔音棉,都系MUST要买,将个隔音棉塞落去个套度
跟住将个单元插落个棉度,咁UM1得一个单元,另外一面拿小小捕贴塞住个位置同个窿
跟住买535有块铁片仔,用来固定成个单元系个壳内,一定要买,好有用.....
买完之后成个野塞落去个壳度,系100% FIT的,唔需要用胶水固定......

跟住就可以用胶水封住个壳,记得唔好用AA胶,因为会令你个野发白,好样衰....
都系自己淘支啦....

咁就搞好了....虽然无图,不过唔明尽量问,我尽量答你....
成个耳机唔计算工具应该2XX 左右,我可以咁讲,整得好,你会好有成功感...

整一次以后你就会坏左自己去搞,而且D声绝对唔差...网上好多单元,自己找个合适的...

以后你就可以想点换线都得..

迟下叫你点自己DIY一条线....

[ 本帖最后由 hunter2005 於 2014-7-15 09:56 PM 编辑 ]

附件 mobile_1.jpg (108.92 KB)

2014-7-15 09:21 PM