转贴:翁静晶律师信cut有线

签中止信还机盒 纠缠两月【明报专讯】如果要全港公投一个最难取消嘅服务合约，有线电视一定榜上有名，连已故功夫片大导演刘家良嘅律师太太翁静晶，搞咗两个月仍然取消唔到有线电视，忍唔住喺facebook讲明唔会再自动转帐畀钱，仲出律师信，话「大不了就法庭见」。
指奇妙电视获牌 「莫名其妙」由艺人转型为事务律师嘅翁静晶喺facebook话，家中有线电视嘅唯一观众系刘家良，刘师傅离世后，就再冇存在价值。佢话，点知寄出停止服务申请表，有线话冇收到，於是叫司机拎埋中止服务信件，亲自将机盒遥控送回有线，签收做妥，一日之后收到有线职员留言，话冇收到翁静晶嘅资料要终止服务。翁静晶将呢个留言录音放上facebook畀人评理，话有线死缠烂打博收多啲钱咁讲。
翁静晶仲将呢件事连埋政府发牌讲，话「有线电视咬着客户不放，死不肯取消服务的伎俩，早已天怒人怨，为什么发牌者袖手旁观？政府居然还是发牌给有线旗下的『奇妙电视』，真是莫名其妙也！」
有线：要最少30日书面通知有线发言人同Emily讲，已收到翁静晶嘅律师信，有线会交畀律师处理。如果客户想终止服务，要用指定表格，畀有线唔少过30日书面通知，可以透过邮递、传真、电邮或亲自交到专门店，有线会立即处理。有线中人又话，每人终止服务所需嘅时间不同，通常系要一个月，但都要睇客户嘅有线合约生效日期系几时，唔系话一定30日就搞掂。


又一个受害者.

Cable 咁做其实系杀鸡取卵,自食其果
我当年都系受害者 (都5~6年前)到现在我都重下唔到度火 !

我唔敢讲永远,但系呢一刻: 我会话佢 free 比我,我都唔会同佢签约 !

(another friend of mine too)

所以死人都唔装有线任何野. 成间 小强酒店 咁~! 有入无出.