天水围电脑维修黑店!请各大大帮手~

天水围新北江维修电脑黑店(大快活楼上乐X维&#20450

本身妈妈有部东芝嘅NOTEBOOK一开机就去左BOIS画面,谂住搵人睇睇,咁妹妹就话呢间黑店个老细成日食嘢都见到(相信系咁多年街坊街里唔会呃人啦),点知唔熟唔呃嘅事情就发生喇~~

起初~拎比佢CHECK机后就搵个老板娘打黎报价~话底板有事要换硬件所以要$580蚊!!咁谂住算啦!返厂换都要钱又过左保养就同佢讲咁$580换左用得返就换啦!
好喇~到整好个时妈妈去拎机WINDOWS著到就不以为而~直到我放假帮佢睇部电脑个时就出事喇 (因为妈妈同我讲佢整完乜都做唔到~连上mytv都唔得叫我帮佢睇睇点解整完都唔得)！到我睇嘅时候就发现超神奇~竟然开个机系等左15分钟有多~系我个角度底板已经换左冇理由咁慢~已经有所怀疑~谂住去装置管理员到睇下佢究竟换左D乜去部机到 (但等了半小时先LOAD到，仲要LOAD到都未睇到就又要从新开机)~再从新开机之后就打回原型一直去返黑底出BIOS字样~咁就即时叫妹妹打返比佢问佢究竟换左D乜点解换左都会系咁 (同时再拎返部机比佢睇，今次话坏HAND-DISK坏左要换四百几喎~仲即时SELL佢有一部二手NOTEBOOK牌子一样话卖比我地)~当下我就系觉得咁你明明话系底板有事话换左咁点解而家先出现一个HAND-DISK问题~部机返到黎都开唔到几多次~咁妹妹就同佢理论~系呢个时间佢就话冇换过底板喎!话只系底板有事换左零件喎(以佢嘅说法佢系系板到焊过粒零件入底板谷返著部机，但从来冇同我地讲过系咁整，如果我知系咁焊嘢落底板系一定唔会整架囉)，打返比佢就虾妈妈佢地唔识电脑系到讲(你地知唔知一部电脑有CPU、HAND DICK、底板乜乜乜，虾老人家对电脑唔熟识)咁到我再打去同佢讲你地打黎报价个时明明个女人话系换先开$580~佢竟然好好笑地话~个女人咩都唔识架~你同佢讲冇用(吓~你搵个咩都唔识嘅打黎报价?咁我搵你整得就相信你系专业先搵你整~佢同我讲话系换底板我地先整~你而家话佢咩都唔识其实系焊过粒嘢落去唔系换~如果一早知咁整我一定唔识囉~咁你咩事呀?)~再加上其实2次死机个画面系一样~点解第一次又冇讲系个HAND-DISK坏左~呢次收完$580先讲坏左要再整多$4XX呢?真系虾人地对电脑唔认识?问佢又答唔出~又话唔关事乜乜77~唔系个个都系唔识电脑架~唔够人讲就叫人去报警~系大家同意先整~但你搵个唔识嘅打黎讲系换误导人地比钱整~你同呃人有咩分别~成块板换同你兜过条路硬焊粒嘢整返著佢差好远囉!而家我想拎返原厂整都整唔到啦如果佢私自焊过零件入去!!谂住搵人整好部机~而家系直接比人整死左部机到永不超生!!呢条友高呀~

呢D连熟人都呃嘅黑店~大家自己谂清楚去唔去喇~老实讲~唔系妹妹话识佢我绝对唔会比佢整囉~经常经过都听到佢大D师奶架喇~专呃妇孺嘅人咁做生意你过到人咩?我地就当比左$580蚊睇清一个人
(出事后上网查过有人又系搵佢整比佢换左嘢~如果大家想自己部机拎到去后被六神合体嘅就去试下啦)

请问各位大大而家仲有冇得整~定真系已经要当佢系烂铁呢

[ 本帖最后由 wing216812 於 2014-5-18 05:14 PM 编辑 ]

师兄,多谢你讲我地知某间用不良手法做生意既维修公司,不过我又谂深一层,手提电脑要换底版,只系收五百八十元港币,真系无理由咁平喎,桌上电脑都还可以,重有手提电脑呢家嘢,啲硬件大部份都系原厂箝,点会咁易就话换底版呢,就算番原厂整,啲师父都未必同你换,实会贵到差唔多买过部新既价钱,一定询问过机主,系话过咗保养期计呢,好多时都建意你买过部重化算,

都有得整既,出面好多维修电脑铺头,或者上网睇吓都有,不过都系一句讲晒,整番好既,同买过部新既差唔多价钱,呢家新既手提电脑都唔贵

其实我都好明白~原身只系想叫佢帮我睇下有冇得RECOVER佢~因为冇烧到碟先拎落去~都已经同左妈妈讲贵过三百蚊就咩都唔整架喇~都知道会系贵~不过佢就唔识听左佢讲话一定搞得掂~咁老人家心态整到就整下啦!!到我收工都已经搞左~所以先话佢呃妇孺~而家我都同左佢讲买过部啦~医返都哂药费喇~~

正常好多电脑铺都会话你知搞唔到!唔好整喇买个部好过就好合理~
但佢打黎报价系话整到~收完A钱又话B有事呢D招真系令人有D嬲~
宜家己经唔系个几百蚊钱嘅问题~搵个唔识嘅黎报价~整唔到之后话叫你唔好听个女人讲佢咩都唔识架~你讲佢冇意思~真系呆哂~唔识但打黎话几钱整咩可以整到?咁得意架咩??

呢间铺头个老细讲嘢啫,个女人报价系唔识啦当佢,但系都系老细讲出咩坏,个女人同佢传声啫,我怀疑佢识唔识整都成问题,你去鸭记实有铺头同你整,不过若过真系底版坏,真系过一二千闲闲地,