2 号机系列 - Tt POSEIDON Z 青轴 开箱加防水防尘分享

近排准备紧整部二号机比细佬，就黎唔洗争电脑玩，明明原本有部 NB，佢话玩 LOL 延迟太高，死都要同我争台机。暂时买左显卡、键盘、耳机、机箱已经有只旧，底板同 CPU 再睇睇先，睇下迟D有无暑假板、U、RAM加牛的优惠~ 另外果日亦都陪埋个FD 买KB +耳机。题卡同耳机的开箱等等再出。


之前我屋企有好多淘宝番来的 Cherry MX 轴粒仔，细佬玩过后中意青轴，甘就选左尼只Poseidon Z比佢，虽然唔系 Cherry 原厂出的，不过保养仲长有5年国际保，试过手感差唔多，寿命就唔知啦，坏左咪踩上代理整囉 ~
睇番旧POST见Lemoncall 师兄讲，系kielh凯华生产的Cherry 彷轴。


背面介绍下功能，媒体键、WIN KEY LOCK、灯光段数等等，唔多讲喇自己睇~


包装入面有泡泡袋保护，断估系防止暴力运输大哥


折袋，靓靓仔仔出左黎~
一眼睇晒，里面送左2本个人唔会睇的野，就无其野。


键盘都系用番USB插头，条线就无咩特别。



键帽系 ABS 镀膜透光键帽，比较特别的地方系在空白格上，下方边位经磨圆，按落去无压力唔银手指。


听店内的老板讲，键帽的表面上左5层涂层，比较唔易打油~


睇番个箱，尼个制原来就系用来LOCK WIN KEY，打机唔怕弹出桌面，不过其实有好多游戏都写到按左WIN KEY都唔会弹出去。


盘底有个理线坑轨，用唔用就随个人喜好，而屋企张台个线孔系左面，我就将条线甘整，就同个孔成直线，拉键盘架果时无甘易扯住。生产地依然系强国，不过身边基本样样电器都系佢做，怕佢中国的会爆炸咩，甘我电视爆都未到键盘爆


键盘底同侧面都有防滑脚，侧面我估系比贴住柜或墙用的，刚刚试过的确系坚稳阵。


侧面可见本身键盘已经有斜度，唔开脚仔都够做，键帽也分阶级排列，较符合人体工学。


背光效果点确唔错，仲有四段光度可以选~ 不过都系有D觉得右上角的3栈指示灯太光。

最后分享一下防尘防水措施，我细佬成日系房度食杯面，食饭同薯片，我以前D键盘都成日比佢整到 … 讲起就觉得又烦有核突。早排见到有师兄分享过键盘清理+保养方法，可惜有得细佬系度，个方法唔岩用。以下我用的系极低成本可以做到起码 IP5/5防水防尘 – 就系用保鲜纸，其实0成本，入厨房A一啲就够




开头见保鲜纸唔够阔一片包晒全个键盘，所以分开2片包。不过有小小问题，包得太实，边位D键按左，唔可以完全弹番起。但拉番少少松度就无事，不过亦有问题二出现，中间接驳位太核突。问题3，脚架都包埋，要开洞先用到或者拆到再松番D。





之后家母睇到，佢问：你唔记得以前点帮你包咩? 原来佢以前系用一片搞掂，不过系打长包，甘就解决埋接驳位问题了，又靓仔。不过包左膜，戴左套，始终无甘爽，保鲜纸有D黐手。谂过包书胶，但估到会因为厚同无弹性，按一个键会影响埋隔离果个键。靼就会出现左个防鬼键键盘都防唔到的鬼键问题


虽然2号机未成型，但系键盘都试左几日，的确唔错。其实买之前都试过几只青轴对比，亦同非Z版试过，尼只凯华青轴比 Cherry 的响得更大声(搞到日夜屋企都啪啪声 )，压力就真系差唔多，寿命就唔理啦，有5年保，如果唔掂概话，唔通Tt佢想番厂整好多次咩。打字果时，觉得真系几清脆，长键位置都好顺，好过我以前玩果只黑轴(果只长键有D立)。佢Fn位系右面，唔会按CTRL时按错，而较音量、灯光位都可以单手搞掂(你知有D师兄有只手长期唔得闲啦 )，前排的播放暂停基本上唔会用。而指示灯位光太强，有D残眼 : ，搞到我想系唔用的时候关左佢。如果只Poseidon可以加埋区域LED设定或设有个人LED设定模式比较好，因为我系打机果时最需要系QWERDF、方向键同WASD、上排数字键1-6、CTRL、SHIFT和TAB键比较虽要用。整体来讲的确唔错。

[ 本帖最后由 cleverandy 於 2014-7-4 07:09 PM 编辑 ]

师兄又系用保鲜纸包 我只黑轴又系 最后太冇手感 都系放弃

系唔系因为保鲜纸次手? 的确我拆番出黎,D键帽系好摸好多
你可以试下键膜,或者磨沙包书胶

几银？

七旧有找，比price 平多啲啲

Nice share
Ching 系边买嫁?

支持下先

想问Tt POSEIDON 果d game mouse得唔得??

又系呢条女,引死,想买呢张卡

好靓既女仔...又乾净...又好揸手!
自己竟然去用保鲜纸包起先享用

之前用过THERON,几靓,操控性唔错,不过手指尾位唔太岩我手型,或者你可以试下唔同型号
佢有配软件设定巨集,算系唔错

我自用果只一定唔会,但系细佬就要,佢实在太钟意一面打机一面食湿野...
薄膜就唔怕,但机械键盘甘贵,入水有水渍实唔保

张卡唔错,就系见佢有背板,散热个样又唔错~
不过我唔同既系,唔会因为包装条女而买

宜家D显卡印女

Ducky 2108SZ 差唔多价钱有埋透明防尘胶壳