比黑店昆左 搞到宜家开机出问题　　黑店天汇

15/5系深水埗某讨论区商场砌左部机，点知部机开机有问题

由於小弟电脑知识浅薄，砌之前净系睇过一D砌机片，心虽然觉得自己识砌，但始终冇乜信心，於是比出面砌。本身都有问LIST，谂住5千出部机，谂住去大行3C其中一间到砌，点知佢问我装唔装正版WINDOWS，但系装埋就OVER左Budget，於是去左黑店天汇，见到佢个ＬＩＳＴ，谂住包装ＷＩＮＤＯＷＳ同坏左可以一换一，又系我ＢＵＤＧＥＴ内，於是心急简左。我都知衰自己犯贱

佢砌果阵我就开始怀疑系咪黑店来，比左订金之后，佢就带左我去另一间叫科汇电脑既铺头砌机，佢一开始好似就想驶开我咁，我见到张ＬＩＳＴ写住特设３０ＭＩＮＳ取机，咁梗系企系到睇佢砌，但系佢又话装埋windows可能要个几钟，叫我周围行下，我都冇理佢。
睇条友砌就更加怀疑佢，我上网睇i-54430个系个蓝白四方盒装住，但佢冇，就咁折开一个细盒ＣＰＵ，而我上网睇Ｄ散热气砌落去都系就咁对位咁个镙丝入去，但系佢攞来果阵，系未上镙丝，我就问佢系咪用过，叫佢攞个新既来，但系佢话系唔同代理商，哩只本身个设计就系咁，因为自己唔系好熟电脑，唔敢当面对质，想问下各位师兄佢个ＣＰＵ同散热气系咪旧既？？？

之后佢用左唔够一个钟就砌完，谂返起驶开我条友讲既野，话装埋ＷＩＮＤＯＷＳ７ 要个几钟，根本就有矛盾，我见到部机ＲＵＮ到，又检查Ｄ装置都系张ＬＩＳＴ既野，心谂ＯＫ挂？就攞左返屋企。第一次开机都冇乜问题，点知第二次就出事，咁左开机制次后，入左一个得桌面同滑鼠既画面，上网睇话可以用ctrl+alt+delete开工作管理员，改左个explorer.exe就可以，但问是系我ctrl+alt+delete系得返黑ＭＯＮ，滑鼠都冇埋，冇工作管理员冇得整，之后boot机再开，点知都系同样情况，於是我洗机，重装佢比我果只ＷＩＮＤＯＷＳ７碟，第一次开冇问题，但第二次就入左一个黑mon，得滑鼠系到，於是重开，几次都系咁，之后我开机，入到黑MON果阵，等左10mins左右又可以登入，我想问下各位师兄系出左咩问题??????
仲有，我问佢只WINDOWS7系咪真野来，佢话系，但系我见果装得好快，砌完机好似入只手落去，佢有冇入碟装我睇唔到，佢装左10mins都冇就装完，我想问下佢装比我既WINDOWS其实系咪就咁copy返来?????????
宜家真系火过火星 过几日先得行攞部机去比佢睇，希望各位师兄我以先帮我睇睇咩问是，我惊又比佢昆!!!!!!!!

建议向海关, 警方, 及消委会备案

想知WINDOWS是真假, 将个CODE 向微软求证

唔该你先 另外我想问下开机果到个问题会唔会系关windows事?

在店铺有没有试完机 ?

没有的话, 有机会比人咬番转头

自己唔熟识, 又找个熟电脑朋友一起去


首先 你张单有没有列明 已WINDOWS 价钱,

有买WINDOWS ,一定跟安装碟

没有就可报海关, 间店一定有镬气

明明3C 个价已经劈到好尽，平过佢你都唔觉有问题咁先奇
无图真系唔知你砌左咩料，佢有无跟埋D盒比你?

我有系果到试机 系果到就冇问题。返到来重开先有野 佢果张单系照抄翻张LIST ，但系就冇逐样写返价钱，win7都系张list到 ，佢净系写左好总数比我

另外我都有问佢攞返D盒，但系佢个CPU净系比左跟核心既细盒我，个大(即系连散热器果个)就冇比到，个板同cdroom都有盒，仲有d驱动程式既碟

但系冇硬碟同显卡既盒...........

9成比人水了，睇下报警定报海关了
cpu 多数2手/淘宝
HDD多数RMA
显卡可能假既/RMA返黎
好多保养都系睇盒上保养贴纸的，无盒代理多数唔保

搵个识电脑既朋友陪你去啦
你得既话打张list出黎

楼主买个只CPU 包装应该系大约3只手指拍埋咁上下大细

之前行过见过高 登 有间铺系会用汉科CPU 帮人砌机,听一个行内朋友讲呢D CPU 就算你搵INTEL 搞都唔会有保养,因为卖断左比汉科

呢款CPU 仲要系原先无散热器,原装跟既应该系铜底,但上次见条友系跟铝底

问题仲要系价钱狼到系收联强正货代理既价钱,无法无天

如果你系讲明仲要平D系可以接受

同埋都唔明点解唔系大铺,细铺执左好无保证,大铺都有机会执,但相对细D

[ 本帖最后由 ankin02 於 2014-5-18 03:36 PM 编辑 ]

楼主做左大水鱼啦！

hdd 可能系rma货！
显卡可能系淘宝的假货/假卡！
火牛多数系gtr/2themax....ed垃圾！

我想知系边间黑店, 等我地唔会奶嘢做第二第三......既受害者

平呀嘛 一分钱一分货 RIP啦楼主

咁熟口面嘅......
我好似之前都系果到砌过机$4700
部机一到手1个月后倒就神神地
但都仲用到嘅,咁用用下就用左3年
无一次系可以唔神机,宜家终於换机